Адистештирилген окутуу бажысы июнь айында 15тен ашык окутуу иш-чараларын өткөрдү

 

2025-жылдын июнь айында Кыргыз Республикасынын Мамлекеттик бажы кызматынын Адистештирилген окутуу бажысы тарабынан бажы кызматкерлеринин кесиптик компетенциясын өнүктүрүүгө жана заманбап окутуу ыкмаларын киргизүүгө багытталган 15тен ашык иш-чара өткөрүлдү.

 

Негизги иш-чаралар:

  •  8–13-июнунда Алматы шаарында (Казакстан): БОМКА 10 программасынын колдоосу менен инструктор-кинологдорду даярдоо курсу өткөрүлдү. Программага талаа машыгуулары, кызматтык иттер менен практикалык көнүгүүлөр жана жүктөрдү, унааларды жана имараттарды текшерип кароо ыкмаларын өздөштүрүү кирди.

  •  10–12-июнунда Бишкек шаарында: АКШнын Энергетика министрлигинин колдоосу менен I-RSARex тренингинин алкагында радиациялык коопсуздук боюнча семинар өткөрүлдү. Бажы кызматкерлери радиациялык детекторлор менен иштөө жана радиологиялык коркунуч учурунда аракеттенүү ыкмаларын өздөштүрүштү.

  •  Мындан тышкары, 16–20-июнь, Бишкек жана Нарын шаарлары: чек ара өткөрмө пункттарында радиациялык көзөмөл боюнча тренинг өттү. Ага «Манас», «Нарын» бажыларынын жана УКМКнын Чек ара кызматынын кызматкерлери катышты.

  •  Ош жана Бишкек шаарлары: CITES тутуму боюнча семинарлар өткөрүлдү — сейрек кездешүүчү жана жоголуу алдында турган жаныбарларды/өсүмдүктөрдү ташууну көзөмөлдөө боюнча CITES электрондук маалымат базасы менен иштөө. Катышуучулар санариптик куралдар жана уруксат кагаздарын верификациялоо жол-жоболору менен таанышышты.

  •  Июнь айында АКШнын Элчилиги жана Кооптуу коркунучтарды кыскартуу агенттиги (DTRA) менен биргеликте ведомстволор аралык семинар өттү. Окуунун үчүнчү айлампасында кош максаттагы товарларды көзөмөлдөө жана массалык кыргын салуучу куралдардын жайылышына каршы аракеттер каралды.

  •  Мындан тыкашыр, Бишкек жана Чолпон-Ата шаарлары: маданий баалуулуктарды коргоо боюнча республикалык форум өттү. Маданий мурастарды сактоо, баалуулуктарды мыйзамсыз жүгүртүүгө каршы аракеттер жана эл аралык кызматташтыкты чыңдоо чаралары талкууланды.

  •  Июнь айы ичинде: бажы кызматкерлери бажы наркын аныктоо, ЕАЭБ ТЭИ ТНге ылайык товраларды классификациялоо боюнча алдын ала чечим алуу, СТ-6035 инспекциялык-кароочу комплекси менен иштөө боюнча окуудан өтүштү. Ошондой эле Түркмөнстандын Миграция кызматы менен биргеликте КӨПтө маектешүү жана психологиялык анализ ыкмалары боюнча онлайн-тренинг өткөрүлдү.

  •  Евробиримдиктин делегациясынын иш сапарынын жүрүшүндө кадрларды даярдоо жана кызматташтык маселелери талкууланды. 27 эксперттен турган ЕБ делегациясы менен болгон жумушчу жолугушууда «Адистештирилген окутуу бажысынынын» инфраструктурасы жана кинологиялык кызматтын ишмердүүлүгү көрсөтүлдү.

  •  июнь айы, Баку шаары (Азербайжан): «Адистештирилген окутуу» бажысынын өкүлдөрү ДБУнун Институттук өнүгүү боюнча региондук кеңсесинин 13-отурумуна катышты. Бажы тармагында туруктуу билим берүүнү камсыздоодо региондук окуу борборлорунун стратегиялык ролу талкууланды.

 

Кыргыз Республикасынын Мамлекеттик бажы кызматы кызматкерлердин квалификациясын жогорулатуу, заманбап окутуу ыкмаларын киргизүү жана эл аралык кызматташтыкты чыңдоо аркылуу кадрдык потенциалды өнүктүрүү иштерин улантат.