Кыргыз Республикасынын Ички иштер министрлигинин «Динамо» спорт комплексинин базасында Министрликтердин жана ведомстволордун кинологиялык бөлүмдөрүнүн арасында IV ведомстволор аралык көп түрдүү мелдеш боюнча иш-чара өттү.

Мамлекеттик бажы кызматынын командасы төмөнкүдөй курамда катышты:

• Нурсултан Сарбагышев, команда капитаны жана АОБдун кинологиялык даярдоо бөлүмүнүн улук инспектору;

• Усон Талибаев, Баткен бажысынын кенже инспектор-кинологу (кызматтык ит "Лорд");

• Мырзабек Навитаев, “Түндүк” темир жол бажысынын кенже инспектор-кинологу (кызматтык ит "Ордас").

Мелдештин жыйынтыгында МБК командасы жалпы командалык эсепте 2-орунду ээлеп, үч алтын жана бир күмүш медаль утуп алды:

• Жүк салынуучу бөлүктөн баңгизат издөө — 1-орун;

• Жүк ташуучу унаалардан баңгизат издөө — 1-орун;

• Жеке эсеп — М.М. Навитаев — 1-орун;

• Жеңил автоунаалардан баңгизат издөө — 2-орун.

Бул иш-чара жыл сайын өткөрүлүп, ведомстволор аралык өз ара аракеттенүүнү чыңдоого, тажрыйба алмашууга жана кызматтык кинологияны өнүктүрүүгө багытталган.