Кыргыз Республикасынын Мамлекеттик бажы кызматынын «Адистештирилген окутуу» бажысында массалык кыргын салуучу куралдарды (МКК) аныктоо жана жайылышын алдын алуу боюнча ведомстволор аралык окутуунун үчүнчү цикли аяктады.

 Иш-чарага Мамлекеттик бажы кызматынын, Өзгөчө кырдаалдар министрлигинин жана КР УКМКнын Чек ара кызматынын өкүлдөрү катышты. Окутууну экспорттук көзөмөл жана иликтөө чөйрөсүндөгү эл аралык эксперттер – Г.Дроганов, Билл Фланаган жана Джон Чоински өткөрүштү. Окутуу АКШ элчилигинин колдоосу менен Коркунучтарды кыскартуу агенттиги (DTRA) менен кызматташунун алкагында уюштурулган.

 Программада төмөнкүлөр камтылган:

— массалык кыргын салуучу куралды аныктоо жана аны жайылтуу тармактарына каршы аракеттенүү ыкмаларын изилдөө».

— чек арада тез чара көрүүнүн сценарийлерин иштеп чыгуу

— ведомстволор аралык кызматташуу боюнча тажрыйба алмашуу

Максаты - кооптуу заттардын жана технологиялардын мыйзамсыз өткөрүлүүсүнө каршы күрөшүүдө улуттук потенциалды күчөтүү, ошондой эле профилдик адистердин квалификациясын жогорулатуу үчүн кош багыттагы колдонулуучу товарларды баалоонун жана идентификациялоонун заманбап механизмдерин өздөштүрүү.