Кыргыз Республикасынын Министрлер Кабинетине караштуу Мамлекеттик бажы кызматы Кыргыз Республикасынын аймагына электромобилдерди алымсыз ташып келүүнүн белгиленген сандык чеги жакындап калганы тууралуу билдирет.

  Евразия экономикалык комиссиясынын Кеңешинин 2009-жылдын 27-ноябрындагы № 130 Чечиминин 7.1-пунктунун 7.1.38-пунктчасына ылайык ЕАЭБ ТЭТ ТН 8703 80 000 2 коду боюнча классификацияланган электр кыймылдаткычтары бар автотранспорт каражаттары импорттук лимиттердин чегинде бажы алымдарынан бошотулат:

• 2022-жылы 5 миң бирдик,

• 2023-жылы 10 миң бирдик,

• 2024-жылы 10 миң бирдик,

• 2025-жылы 10 миң бирдик.

2025-жылдын 2-сентябрына карата Кыргыз Республикасынын аймагына 8 558 миң электр унаасы алынып келинди. Белгиленген чекке жеткенден кийин электромобилдерди андан ары ташып келүү алардын бажы наркынан 15% өлчөмүндө ташып келүү бажы алымдарын төлөө менен ишке ашырылат.