Кыргыз Республикасынын Финансы министрлигине караштуу Мамлекеттик бажы кызматынын төрагасынын орун басары болуп Намазов Акылбек Закирович дайындалды. Тиешелүү буйрукка 2025-жылдын 12-мартында Кыргыз Республикасынын Министрлер Кабинетинин төрагасы – Кыргыз Республикасынын Президентинин Администрациясынын Жетекчиси Адылбек Касымалиев кол койду.

Мамлекеттик бажы кызматынын төрагасы Алмаз Салиев ведомствонун өздүк курамына Акылбек Намазовду расмий тааныштырды.

Кыскача өмүр баяны:

Намазов Акылбек Закирович 1971-жылы 3-апрелде туулган.

Билими:

  • 1997-жылы Кыргыз мамлекеттик дене тарбия институтун «Аскерге чакырууга чейинки жана дене тарбия» адистиги боюнча аяктаган.

  • 2003-жылы Россия Федерациясынын ФКК академиясын «Коопсуздук органдарынын оперативдүү ишмердүүлүгү» адистиги боюнча аяктаган.

  • 2013-жылы Кыргыз улуттук университетинин «Юриспруденция» адистигин аяктаган.

 Эмгек ишмердүүлүгү:

  • Кесиптик карьерасын 1991-жылы баштаган.

  • 2021-жылдын сентябрында Кыргыз Республикасынын бажы органдарына кызматка алынган.

  • «Оперативдүү», «Түштүк-Батыш», «Түндүк-Чыгыш» бажыларынын башчысынын орун басары жана башчысы кызматтарын аркалаган.

  • Контрабандага каршы күрөшүү башкы башкармалыгын жетектеген.

2025-жылдын 12-мартында Кыргыз Республикасынын Мамлекеттик бажы кызматынын төрагасынын орун басары болуп дайындалды.