Россиянын Бажы академиясына окууга кантип тапшырса болот? Мамлекеттик бажы кызматы мектеп окуучулары менен жолугушуу өткөрдү

Кыргызстандын Мамлекеттик бажы кызматынын жана МБКда Россиянын бажы кызматынын өкүлчүлүгүнүн кызматкерлери «Газпром Кыргызстан» (Бишкек) билим берүү мекемесинде мектеп окуучулары үчүн көчмө иш-чара өткөрүштү.

Жолугушууда балдарга Россиянын Бажы академиясы тууралуу айтылды, кабыл алуу процесси жана студенттик жашоо тууралуу видеороликтер көрсөтүлдү. Мындан тышкары, окуучулардын алдында академиянын бүтүрүүчүсү, учурда бажы кызматкери баяндама жасады. Ал өзүнүн жеке окуу тажрыйбасы менен бөлүшүп, студенттик жашоо жана РБАда окуунун келечеги тууралуу айтып берди.

Ошондой эле бүтүрүүчүлөрдүн окуу жайга тапшыруу үчүн документтерди тапшыруу мөөнөтү 2025-жылдын 15-апрелине чейин узартылганы эскертилди. Абитуриенттер аскердик-дарыгердик комиссиядан өтүп, дене тарбиясы боюнча зачет, ошондой эле тест тапшырып, маектешүүдөн өтүшү керек.

Кошумча маалыматты Мамлекеттик бажы кызматынын сайтынан https://www.customs.kg/.../customskg/news/kulaktandyruu шилтемеси боюнча алса болот.

Видео:Россиянын Бажы академиясына окууга кантип тапшырса болот?