Кыргыз Республикасынын Министрлер Кабинетине караштуу Мамлекеттик бажы кызматынын кызматкерлери Кыргыз Республикасынын ИИМдин БМЖКККнын кызматкерлери менен бирге «көкнаар» баңгизатын өзгөчө ири өлчөмдө мыйзамсыз ташып кирүү каналына бөгөт коюшту.
Бишкек шаарынын аймагында жүргүзүлгөн биргелешкен ыкчам-тергөө иш-чараларынын натыйжасында 1999-жылы туулган К.И.Э., 2000-жылы туулган Б.М.Т. жана 1999-жылы туулган Б.у.К. аттуу жарандар кармалган.
Учурда баңгизат каналынын бардык катышуучуларын, психотроптук заттарды ташып келүүнү жана сатууну уюштурган адамдарды аныктоого, ошондой эле алардын мыйзамсыз жүгүртүүсүнө байланыштуу башка фактыларды табууга багытталган тергөө жана ыкчам-издөө иш-чаралары улантылууда.

Видеону толук көрүү үчүн басыңыз